اراء الطلاب

وعليكم السلام ورحمة الله اهلا وسهلا استاذنا الفاضل جزيل الشكر والتقدير ممتنه الك وسعيدة جداً بأن اكون فردا من عائلة نادي العقل جزاك الله خير الجزاء وبارك بك وبجهودك المباركة بالنسبة لاستفادتي من الدورات من غير مجامله كنت قبل ان اشاهد المحاضرات مشتته لدي هدف ولكن من غير اصرار ولا معرفة من اين ابدأ لكن بعد مشاهدتي للاستاذ والأب الكريم (حسن العبيدي) اصبح لدي الشجاعة والاصرار والمثابرة على نيل هدفي الذي اسعى اليه وانا متأكدة من تحقيقه بقوة الله تعالى

شكرا كلش هواي عل دورات المجانيه ++ حيل استفاديت من الدورات وخاصه دوره الخرائط الذهنيه حاليا جاي ادرب عليها وشفت نتائج عليها تجنن وزاد نسبه الحفظ عندي وصار وقت المراجعه ممتع شكرا جزيلا عل نصائحك واهتمامك بينه ♡ كل الاحترام الك اسُتاذ

مساء النور وشكرا كلش اهواي ع الأشياء الي داتقدموها النه ❤️ ++ كلش استفاديت واتعلمت اهوايه اشياء من خلال الدوره الي اشتركت بيها وتركت اهوايه اشياء سلبيه جنت اسويها تركت الأشياء الي جانت تاخذ وقتي واليوتيوب فقط دراسة ومحاضراتكم 💯 شكرا استاذ يارب انشوفك بأعلى المراتب كل التوفيق يارب 🤍🤍

مرحبا ستاذ حسن اكو بعض تغييرات بحياتي صارت وتعلمت بعض الاشياء وكاعد شويه شويه اطبق هل شي صح هل شي جديد بحياتي بس كاعد احاول اغير هوايه شياء بنفسي وكاعد اتابع دوراتك وهوايه امور جنت اسويه ضرني وهسه تركته وغيره من الاشياء وكاعد اطبق امور بحياتي جديده واتمنى تقدملنه بعض اخطط الجديده تغييرات حلوه صارت بحياتي عليه ماعون كليجه الي تحبه😂😂😂💗💗 ومتحمسه كلش لدورات الجديده حته كاعد اخطط اجمع فلوسي الي جنت اشتري بيهم شياء تافهة مثل متكول شياء الماشميلو واشتري بيه دورات من عدك 👽💗💗

خلصت هسه من الانتقادات ف هسه حرام عليه اذا م اذكر الإيجابيات اولاً اقدم شكري واحترامي للمدرب حسن العبيدي الأب الروحي شكراً على رحابة صدرك الواسعة بل اجبابة على جميع الاسئلة والاستفسارات وشكراً على حرص المدربة نور بمتابعتها لنا الي هاذا شكل نوع من الحماس ان اشوف الدورات واكمله حته اشوف شنو عندي سوءال او مشكلة واجتهني اروح اسئل عليه واحصل على اجابة لها كان لها دور في المسيرة التدريبة وايضاً انته قدوه يقتدى بها كونك مثال حي للنجاح في بلدنا العراق واتمنى اشوفك مدرب عالمي وكلعام احنه وياك مطورين ومتغيرين مجدداً كل الحب والاحترام والتقدير والشكر والمحبة للمدربي العظيم الاولى ♥️ وجداً اعتذر عن الطاقة السلبية الي اجتك بل رسائل السابقة بس انا لست مخطاً او نادماً على قولي اي منها .

اهلا استاذي المبدع احنا دائما معك وندعمك ♥️ لانك تستحق ♥️🥇

مساء نور ،هلا بيك استاذنا عزيز ،شكرا على دوره خرائط ذهنيه صراحه يوم عن يوم اطور ،شكرا لك على دوره مجانية تحويل شخصية ،وشكرا لك لان غيرتنا ،وعد إذا طلعت اعفاء ودزلك كليجه ،كل عام وانت بخير مقدما.

كل الشكر والامتنان الك انته ورده ممتن جدا عله هاي المعامله وعله هاذ الأسلوب الجميل منك ومن كل المساعدين

مرحبا استاذ اول شي راح ابدي تعليمات الاسبوع الثاني من أسبوع الجاي ان شاء الله ثاني شي الصراحه و من دون مبالغه الدوره جدآ ممتازه و انصح اي احد يدخل بيها ....شفت نتائج الدوره من اول ما بديت تعليمات اسبوع الاول صح واجهت صعوبات بل التزام بل بس كدرت اتغلب على صعوبات و ما كدرت اخذ تعليمات الاسبوع الثاني لحد ما اتاكد من نفسي اذا جنت منتظمه بل اسبوع الاول لو لا الصراحه هاي اول مره ادخل دوره الإلكترونيه صح جنت متردده انو يخيب ظني بس الحمدلله ما اناخب ظني... هاي الخطوه من احلى خطوات حياتي 🩷 . . . احب اشكرك هواي استاذ على دوراتك و على اشياء الجاي تقدمها النه و ان شاء الله الله يجازيك ب دنيا و الآخره و ما يضيع تعبك ... احم لو اعرف مكان بيتك جان دزيتلك كل يوميه ماعون كليجه 😅

مرحبا شكرا الكم #الحمدالله خلصت اسبوع الاول و بادي بل ثاني #اي اكيد التركيز جان يتشتت بس شوي شوي دا يتحسن #حاليا لا استاذ و اكيد تقيمي من ناحية المواضيع المطروحة الي قلة الناس تسطتطرقها بهل عالم الفوضوي تقيم ١٠/١٠ من كل النواحي عاشت ايدكم و اتمنى و انشاءالله بل نهاية رح اشوف تركيزي صاير احسن و اقوة

مساء النووووووور اسف جداً على التأخير لكن بسبب دورتك استاذ حسن اني مطفي الأشعارات 😁😁 حقيقة التقدم الي صار بتركيزي اليوم لمسته لمس فعلي وواقعي الدكتور شرح اكثر من ساعة و٤٠ دقيقة ما اكلك منتبهة على كل ثانية بس حرفياً ماكو شيء فاتني من المحاضرة اريد اباوع باقي الدورات مال هكر العادات وهاي بس مجاي يصيرلي مجال حقيقة التبسيط الي جاي يوصل الي منك بدوراتك عظمة والله أحب أكلك شكراً صح كلمة زغيرة بس صدكني كمية الأمتنان والحب الي بيها جبيرة وكلش هم ♥️♥️

مساء النور أستاذ تقيمي للدورات عالي جدا اخذت الفائده تقريبا واعجبتني دورات بكل صراحه نتائجه قيمه ومعلوماتها لاتقدر بثمن جعلت واقعي يتغير وحياتي للأفضل

شكراً أستاذ ماقصرت ويانا ، بالنسبة لدورة التركيز الي اشتركت بيها جانت كلش مرتبة و حلوة و كل معلومة أثمن من الثانية و جنت تنطي نقاط محد يهتم الهن فـ نعم كلش استفاديت حطيت نقاط بالي كاعد اشتغل عليهن فـ عاشت أيدك أستاذ و ماراح اتندم اذا اشترك يمك بغير دورة عدى ترتيب الموقع نفسه و طريقة المونتاج و الجودة كلشي يخليك تركز وتهتم بالتفاصيل و عدى معلومات الي تنطيها بالانستا و الي بالتلقرام، ان شاء الله الموفقية 🤍

مساء الخير والعافية استاذ حسن الرائع شكرا جزيلا على ما قدمته وسوف تقدمه ولي الشرف ان نكون جزاء من هذه العائلة . اما مايخص السؤال ، نعم كما تعرف اني معلم وطالب كلية في نفس الوقت لذا اعاني من ضغط المواد الدراسية وبفضل دورة التركيز والدروس المجانية لهكر التعلم الان اشعر بفرق كبير عن السنة الماضية من حيث التركيز والحفظ وكنت اتمنى ان اشاهد المزيد من الدوارت لكن للاسف لا املك الوقت الكافي لمشاهدات الفيديوهات والدورات الجديدة . شكرا لك استاذ حسن

مساء النور احب اگلك انو انت الشخص الوحيد الي أثر عليه وخلاني شخص ايجابي وماكو واحد من اصدقائي ما گتله عليك كُل التوفيق في برامجك التدريبيه القادمة 🧡🧡

اهلا وسهلا كلش استفاديت من الدورات وعرفت نفسي وعرفت شنو الاشياء الي لازم اطورها من نفسي وصرت احدد المشكال الي عدي شكرا 🌹

اهلا وسهلا كابتن اولا؛ اشكرك جزيل الشكر على متابعتك و تتواصل ويانه اول بأول ثانياً:اشكرك على الدورات الي تقدمها من خلال دوراتك صار عندي تغير جذري بمستواي الدراسي و كدرت اتعرف على نفسي و عقلي اكثر و كمت اعرف انظم وقتي و استثمر وقتي بأنتظام الحمدلله لأن عرفتك و استثمرت فلوسي بنادي العقل اني ممتن ألك على المهارات الي تعلمتها منك 🌷

بصراحه كل فيدواتك مفيدة ومعلوماته جديدة انا عن نفسي ملاحظات اكتبه بالدفتري الخاص وكل مايكون عندي ضوجه او فراغ اراجع الدقتر

انته جزهء كبير من تطوير ذاتي اني جدا ممتن الك

شكرا جزيلا علي هاي الدوره الرائعه والمهمه وبالنسبه اليه حبيت هاي الدوره وان شاءالله بس يصير عندي وقت اشوفها

Download